Проект„Суперучилишта“, во рамки на програма на RYCO за размена на ученици-дел I
Во рамки на проектот „Ајде да се запознаеме и да изградиме цврсти пријателства“, финансиран од програмата „Суперучилишта“ кофинансирана од Европската Унија и германското Сојузно министерство за економска соработка и развој (BMZ) и имплементиран од Deutsche Gesellchaft fur Internationale Zusammenarbeit (GIZ) заедно со Регионална канцеларија за младинска соработка (RYCO), се реализираше првата размена.
Од 11 до 16 април 2022г. 14 ученици од I до III година под менторство на проф. Елена Ѓорѓиевска и проф. Ивана Станковска имаа можност да учествуваат на ученичка размена во Скадар, Р. Албанија.
Наш домаќин беше средното училиште Осо Кука.
Разменивме културни обичаи, се дружевме и заклучивме дека сите имаме еден заеднички јазик- јазикот на пријателството.
И покрај тоа што сме различни сепак споделуваме исти интереси, а токму тоа е солидна подлога за понатамошна соработка.
Со радуваме на нашата идна средба во нашиот град!
Видео презентација од нашите активности:
https://www.canva.com/design/DAE-PQETnnM/hS5C0DKohb1esmco9ZbjxQ/view?utm_content=DAE-PQETnnM&utm_campaign=designshare&utm_medium=link&utm_source=publishsharelink
- Published in Останато
Женската кошаркарска екипа при СОУ „Ѓорче Петров“ продолжува со успеси
- Published in Останато
Првоаприлски хепенинг
- Published in Останато
Посета на Софија во рамките на Еразмус+ проект
Нашето училиште СОУ „Ѓорче Петров“ како партнер и училиштата: GO! atheneum Leuven- Белгија (партнер); Karl Schiller Berufskolleg – Германија (координатор) и 19. СУ “Елин Пелин“ -Бугарија (партнер), ја реализираа првата мобилност од проектот Yes Europe III – младите студираат и работат во Европа, во период од 20.03.2022 до 26.03.2022 година.
Домаќин училиште на оваа мобилност беше 19.СУ “Елин Пелин“ од Софија Р, Бугарија.
Пет ученика, придружувани од наставничките Елена Ѓорѓиевска и Ивана Станковска, имаа можност да учествуваат во оваа размена.
Во текот на реализацијата учесниците имаа можност да работат во мешовити интернационални тимови, да се запознаат подобро со културата, храната на државата – домаќин, како да се студира и најде работа, како да се подготват за интервју за работа и направија и тест на личноста. Исто така ги посетија и следниве институции:
- ВУЗФ (Висше училище по застраховане и финанси)
- TELUS International (BPO company-аутсорсинг на деловни процеси)
- Puzl Coworking (coworking space)
- GrECo Bulgaria (осигурителен брокер)
- Cteam ( компанија за човечки ресурси)
Покрај новостекнатите вештини учениците имаа можност и да склучат нови пријателства и да се дружат со своите врсници од Германија, Белгија и Бугарија.
„Дружењето и комуникацијата со ученици и колеги од различни европски земји нè збогатуваат со знаења не само од дадената област туку и искуства воопшто од животот. Овие средби и проекти нè мотивираат да работиме уште подобро и уште повеќе се со цел да им овозможиме на нашите ученици да ги прошират своите хоризонти“ – изјавија професорките Ѓорѓиевска и Станковска.
- Published in Останато
Михаела Алексовска – гордост на училиштето, амбасадор на градот
- Published in Останато
Повик за учество на ученици во Еразмус + проект – мобилност во Белгија
Почитувани ученици,
Ни претставува посебно задоволство да Ве известиме дека во рамките на програмата ЕРАЗМУС +, клучна акција КА229 – Соработка за иновација и размена на добри практики, поддржана од Националната агенција за европски образовни програми и мобилност, нашето училиште СОУ „Ѓорче Петров“ како партнер и училиштата: GO! atheneum Leuven- Белгија (партнер); Karl Schiller Berufskolleg – Германија (координатор) и 19 High School Elin Pelin- Бугарија (партнер), работи на проектот Yes Europe III – младите студираат и работат во Европа.
За таа цел од нашето училиште се потребни 5 ученици за учество во проектот кои ќе одат на мобилност во Белгија од 8 до 13 мај 2022 година. Учениците кои ќе бидат вклучени во проектот ќе развијат различни вештини вклучувајќи: професионални вештини, социјални и мултикултурни, интеграција во различни средини, одговорности, јазични подобрувања и други вештини и придобивки.
Пополнете електронска пријава
(линк до пријавата: https://forms.gle/dhzVdhZuBDvCpAro9 )
За да се пријавите за учество во проектот, потребно е да доставите скенирани:
- CV
- мотивациско писмо
- препорака од класен раководител/предметен професор
- сертификат за вакцинација од Ковид 19 на следната емаил адреса: proekti.gp@gmail.com
Критериум за избор:
· Ученикот треба да биде мотивиран за работа и дружење
· Ученикот треба да може да патува во странство
· Ученикот да има позитивна препорака од класен раководител/предметен професор
· Да има познавање на англиски јазик (можно е тестирање)
· Ученикот да поседува валиден сертификат/потврда за вакцинација од Ковид 19
По првата направена селекција согласно критриумите доколку има поголем број заинтересирани кандидати ќе биде спроведено и интервју.
Рокот за доставување на потребните документи е од 24.03.2022 година до 28.03.2022 година.
Општински натпревар по англиски јазик
- Published in Странски јазици
Регионален натпревар по француски јазик – спелување
- Published in Странски јазици
Завршна сметка 2021 година
- Published in Останато
Регионален натпревар по математика
- Published in Математика, Останато