Ученици од нашето училиште се вклучија со свои творби во проектот на Агенцијата за млади и спорт кој опфаќа напревар во пет различни категории: сликарство, скулптура, графика, графички дизајн
 и фотографија, во две одделни групи, млади од 15-20 години и 21-29 години.
“Млади поети” е еден од проектите кои имаат за цел да ја поттикнат поетската кретивност на младите.
Нашата ученичка Сара Ристовска, под менторство на проф. Елена Јакимовска, освои втора награда со творбата под наслов ’’Со тебе ноќите се пократки”.

И посакуваме уште многу успеси во иднина!

На меѓународниот театарски фестивал за деца и млади ,,Lektirići ex yu fest” ,кој се одржа во Прокупље, Р. Србија, нашите ученици освоија уште неколку награди во различни категории.

II награда од жири комисијата
I наргада од публика
Награда за најдобар сценски говор
Најдобра женска улога за децениска бравура (десетгодишно постоење)

Им посакуваме уште многу успеси во иднина!

Драмската секција при СОУ„Ѓорче Петров“ учествуваше на Меѓународниот театарски фестивал за деца и млади ,,Lektirići ex yu fest” кој се одржа во Прокупље, Република Србија на 08.12.2022г.

На десетгодишнината од фестивалот кој имаше натпреварувачки карактер, нашите млади актери настапуваа со претставата ,,Паланечко Зоне” во режија на професорките по македонски јазик Зорица Давитковска, Лиле Стојановска, Елена Јакимовска и Даниела Стојмировска.
На фестивалот ученикот Горјан Младеновски доби награда за најдобра машка улога, ученичката сара Стојановска беше наградена за најдобра женска улога.

Се гордееме со нашите талентирани ученици и им посакуваме уште многу одиграни претстави на големата театарска сцена!

Група матуранти под менторство на проф. Лиле Стојановска и проф. Елена Трајчевска приредија прекрасен уметнички перформанс за романот „Шагринска кожа“ од Оноре де Балзак.
Премиерно перформансот беше прикажан на кривопаланечката јавност во НУ Центар за култура на 18.05.2022г.
За истиот беше изработен и краток филм со кој учениците се претставија на Образовното рандеву-МАССУМ 2022 во Велес на 06.05.2022. и освоија II место во категоријата: Најдобра драмска претстава.

На следниов линк можете да го погледнете краткиот филм: https://drive.google.com/drive/folders/1Gc2IL8AJM1wW9h-CpUfmzfDLISnRcX-F

По повод 5 мај – Денот на македонскиот јазик,
Сојузот на просветни работници распиша конкурс на тема:
„Браќата Миладиновци, учители и просветители, поборници за својот мајчин јазик.“

На конкурсот ученичката Матеја Цветковска од втора година го овои третото место. Ментор-Зорица Давитковска.

На 17.12.2019 година во СОУ Ѓорче Петров – Крива Паланка се одржа Шестата ораторска вечер на која со свои говори настапија осум ученици во натпреварувачкиот дел.