На ден 15.5.2023 и 16.5.2023г. Loging Electronics во соработка со ФЕИТ Организираше работилница на тема: Развојни микропроцесорски системи која се оддржа на ФЕИТ, ФАБЛАБ, Скопје во рамките на проектот ,,Технологија за тебе”. За таа цел од нашето училиште учествуваа следниве ученици:
1.Сергеј Крстевски II-6
2. Марија Стефановска III-7
За презентација:
1. Ангела Георгиевска III-7
2. Јована Ѓоргиевска III-7
3. Tea Стефановска III-7
4. Тамара Алексовска III-7
5. Давид Јакимовски III-7
Учениците добија сертификати за успешно претставување на настанот како и ваучери за платена пракса во Loging Electronics.

Нашите ученички Ангела, Марија, Душица и Теа од трета година под менторство на проф. Горица Вучевска беа дел од големото финале на натпреварот ,,Најдобар бизнис концепт за зелени иновации 2023″ организиран од Националениот центар за развој на иновации и претприемачко учење. Овој настан се одржа на Машинскиот факултет при УКИМ на 13.05.2023 г. во Скопје и е поддржан од многубројни партнери како што се фондацијата Macedonia 2025, Сојузот на стопански комори, Халк банка и други, кои им дадоа можност на 16те најдобри бизнис идеи да се претстават преку CANVAS концептот на тема зелена економија.

Чест и задоволство е да се биде меѓу најдобрите, браво за нашите ученици!

На 25.03.2023г. нашето училиште беше домаќин на регионалниот натпревар за стручно образование.

Учество земаа училиштата од општините: Крива Паланка, Куманово, Кочани и Штип, и тоа од следните профили: електротехничар за компјутерска техника и автоматика, електротехничар енергетичар,  техничар за компјутерско управување.

Сите учениците се пласираа на државниот натпревар.
Според струки постигнати се следниве резултати:

Им посакуваме успех и на претстојниот државен натпревар!

На ден 27.02.2023 година се одржа општински натпревар за предмети од електротехничка струка.

На натпреварот право на учество имаа само ученици од III година.
На истиот учествуваа 3 ученика:
– Бојан Митовски
– Марија Стефановска
– Душица Миневска

Според добиените резултати, ученикот Бојан Митовски беше најдобар и ќе учествува на регионалниот натпревар кој треба да се одржи токму во нашето училиште.

Учениците од прва година, електротехничката струка ја покажаа својата еколошка заложба за зелена, чиста и одржлива животна средина. Со свој личен пример ја иницираа и покажаа неминовната потреба од правилно постапување со електронскиот отпад со цел намалување на неговото негативно влијание врз животна средина.

Ги собраа неупотребливите електронски и електрични уреди кои содржат многу токсични супстанции бидејќи во многу од нив има тешки метали и опасни гасови како што се : олово, жива арсен, кадмиум, и други содржини кои можат сериозно да му наштетат на човековото здравје и ги оставија во контејнерот за електронски отпад.

Не фрлајте отров во природата!
За нас се работи!

Факултетот за електротехника и информациски технологии при Универзитетот Св. Кирил и Методиј во Скопје, во соработка со Лабораторијата за производство ФЕИТ-ФабЛаб и студентскиот огранок на IEEE по трет пат го организираше натпреварот во роботика и електроника ROBOMAC Junior, во периодот од 30 ноември до 2 декември 2022.

На ROBOMAC Junior учествуваа 54 ученици од четврта година од 28 средни училишта од државата, поделени во 2 категории. Освен активностите од натпреварувачки карактер, учесниците имаа можност да следат и неколку предавања во кои беа претставени популарни теми од роботиката, вештачката интелигенција и електрониката, одржани од професори и експерти во областа.

Од нашето училиште учествуваа ученците:

1. Иван Цветановски IV 6, категорија – Автономна мобилна роботика
2. Антонио Крстевски IV 6, категорија – Паметна електроника за автономни возила

Ученикот Иван Цветановски заедно со својот тим го освои ТРЕТОТО место за кое доби медал како и стипендија за студеирање на ФЕИТ. Додека ученикот Антонио Крстевски се стекна со пофалница за успешната работа на натореварот.

Средношколците кои беа вклучени на натпреварите имаа можност преку работа со вистински роботи да се запознаат со сите клучни аспекти на еден роботски систем, почнувајќи од неговиот хардвер, можноста за негово програмирање преку соодветен софтвер, како и предизвиците за внесување на одредено ниво на интелигенција во истиот.

Честитки до учениците и нивните ментори!

Почитувани ученици,

            Ни претставува посебно задоволство да Ве известиме дека во рамките на програмата ЕРАЗМУС +, акција КА102 – мобилност на ученици и вработени/ кадар во стручно образование и обука, поддржано од Националната агенција за европски образовни програми и мобилност, нашето училиште СОУ Ѓорче Петров како координатор и училиштата: ССОУ Наце Буѓони, Куманово и ССОУ Моша Пијаде, Тетово како партнери го добивме проектот Work based learning – Учење преку работа.