Традицијата продолжува… 🙂
И оваа година ги одбележуваме Еразмус+ деновите во нашето училиште.

,,Inclusion and Diversity in eTwinning” е мултилатерален семинар кој се одржа во Леириа- Португалија на кој учествуваа 73 учесници од 11 европски држави, меѓу кои и нашата професорка Катерина Митовска- Наковска. Проектот беше реализиран под покровителство на Националната агенција за европски образовни програми и мобилност. Професорката Катерина Митовска- Наковска одржа дисеминација на 14.09.2023г. во просториите на училиштето споделувајќи го своето искуство стекнато на семинарот со цел да се надминат бариерите и да овозможи инклузија на сите и секоја индивидуа,како и диверзитетот како предизвик.

еТвининг платформата поттикнува размена на идеи, култури и перспективи, оплеменувајќи го образовнието на сите вклучени. На 07.09.2023г. во Europe House Skopje, име беа доделени ознаки за квалитет на 24 еТвининг училишта, лидери во меѓународната соработка и иновации во образованието. Нашето училиште по вторпат ја доби оваа престижна награда благодарение на нашите еТвинери.

еТвининг е одличен пример за тоа како технологијата може да ги премости географските граници, да ги поврзе училниците од различни делови на светот и да ги поттикне едукаторите да внесат иновации во нивните наставни методи.
Се гордееме со овој успех и продолжуваме со работа!

Come In – еТвининг проект во кој се вклучени 11 наставници од 7 држави и 88 ученици.

Од нашето училиште учествуваа учениците од прва година од електротехничката струка: Алек Стојановски, Јован Јакимовски, Мишо Младеновски, Стефан Величковски, Давид Станојковски и Марио Пешовски под менторство на проф. Ивана Станковска. Овој проект ги спои наставниците и учениците од нашата држава, Турција, Хрватска, Турција, Италија, Франција и Јордан. Споделувавме обичаи и традиции, учевме нови јазици и ги надминавме културните разлики преку другарување.

Учествувавме во изработка на презентации и соработувавме со нашите партнери.
Подолу се прикажани дел од изработките на учениците.

1. Колаборативна мапа

https://www.pictramap.com/app/view?p=8317c1&fbclid=IwAR1N1gFSs6dnwCVFrPGqIOGph_4YXig5y11-FKpUvfG-3AlP0f5nYnVN8_k

2. Ден на безбеден интернет http://linoit.com/users/Ivana_st/canvases/Safer%20Internet%20Day%202023

3. Come In – филм

4. Акростих поема – https://docs.google.com/document/d/12gUswgKbaVK7mNmtikJ5gZ4YZjuZ-hm4M8UWgJ1WJw4/edit

5. Come In – речник со често користени зборови и фрази на 7 јазици
https://www.calameo.com/read/007404836a974eab58f74?fbclid=IwAR3aH2ypJLqNwu4gUDx4reNV3MkOeytrmscjRYe6URVF5e5aHB5pFnXVykc

6. Come In – Ајде да пееме и играме заедно!

еTwinning платформата им помага на просветните работници во градинките, основните и средните училишта да се поврзат со колеги од други европски земји и заеднички да работат на национални и европски проекти.

„Inclusion and Diversity in eTwinning” е мултилатерален семинар кој се одржа во Леириа-Португалија во период од 22.06 до 24.06.2023г. на кој учествуваа 73 учесници од 11 европски држави меѓу кои и претставници од училиштата: ООУ,,Киро Глигоров”- Скопје, ОУ,,Христо Узунов”-Другово, СОУ,,Ѓорче Петров”-Крива Паланка и претставник од Националната агенција за европски образовни програми и мобилност.
Нашето училиште го претставуваше проф. Катерина М. Наковска.

Целта на овој семинар беше фокусирање на различностите и еднаквоста,кои треба да бидат инклудирани во воспитно- образовниот процес.

Стекнатите нови практики и методи, ќе овозможат континуиран еднаков пристап кон сите ученици и почитување на различностите ,намалувајќи ги бариерите.

Нашето училиште и оваа година е наградено со Европска ознака за квалитет за работа на еТвининг проектите:

1.  FOG (Fake-O-Gram)
2. 2eco&health
3. Climate warriors
4. Virtual Tour: YES Europe III

Ова значи дека работата на нашите ученици под менторство на наставничката Ивана Станковска е признаена на највисоко Европско ниво.

Нашите проекти ќе се вметнат во посебен простор на Европскиот портал www.etwinning.net.

Честитки и благодарност до сите ученици за нивното достигнување!

Во рамки на иницијативата Европска година на вештини, учениците кои учествуваа на Еразмус+ проектот ДА Европа III на мобилноста во Р. Германија одржаа работилница за пренесување на стекнатите знаења во странство.

Работилницата се одржа на ден 08.06.2023г. во просториите на нашето училиште.
Главна цел на работилницата беше да се зајакнат компетенциите на учениците и да се подобрат нивните кариерни можности.

Учениците им презентираа на врсниците како да најдат работа, студии и сместување во странство, но исто така им презентираа како да се подготват за интервју за работа преку симулација на интервјуа; како да напишат CV и мотивационо писмо.


ЗАБЕЛЕШКА: Финансирано од Европска Унија. Искажаните ставови и мислења се само на авторот(ите) и не мора да ги одразуваат ставовите на Европската унија или Европската извршна агенција за образование и култура (EACEA). Ниту Европската Унија, ниту „EACEA“
не можат да сносат одговорност за нив.

Во склоп на иницијативата Европска година на вештини, учениците кои учествуваа на Еразмус+ проектот Нула отпад од клучна акција КА 210 поддржан од НАЕОПМ и финансиран Европската Унија одржаа работилница заедно со нивните врсници, еко-ентузијасти за зајакнување на зелените вештини.
Работилницата се одржа во Европската куќа во Крива Паланка на ден 06.06.2023 година, со почеток од 12 часот.
Нивно мото беше: Повеќе зеленило – помалку отпад!

Освен пренос на новите вештини стекнати преку Еразмус+ проектот, овие зелени херои, демонстрираа и конкретни чекори за нивна имплементација и реалните придобивки кои ги имаат животната средина и човековото здравје од истите .

Големо браво за Еразмус тим кој остава позитивни примери кои треба да ги следат сите генерации!


ЗАБЕЛЕШКА: Финансирано од Европска Унија. Искажаните ставови и мислења се само на авторот(ите) и не мора да ги одразуваат ставовите на Европската унија или Европската извршна агенција за образование и култура (EACEA). Ниту Европската Унија, ниту „EACEA“
не можат да сносат одговорност за нив.

Нашето училиште СОУ „Ѓорче Петров“ како координатор и партнер училиштата: ​YUNUS EMRE ANADOLU İMAM HATİP LİSESİ, Маниса (Турција) и COLEGIUL ECONOMIC EMANUIL GOJDU HUNEDOARA, Хунедоара (Романија). во период од 08.05.2023 до 12.05.2023 година ја реализираа и третата т.е последна мобилност во рамки на овој проект. Домаќин училиште на оваа мобилност беше училиштето од Романија-COLEGIUL ECONOMIC EMANUIL GOJDU HUNEDOARA.

Во оваа размена земаа учество 10 ученика од нашето училиште придружувани од директорката Елена Ѓорѓиевска и проф. Ивана Станковска.

Во текот на реализацијата учесниците имаа можност да работат во мешовити интернационални тимови, да се запознаат подобро со културата на Р.Романија.
Секако примарна цел на проектот беше заштитата на животната средина.


Учесниците во проектот ги реазлизираа следниве активности:

• Садење дрвца
• Креативна драма
• Креативна работилница за изработка на брошури
• Делење на брошурите во центарот на Хунедоара
• Посета на замокот Корвин, Хунедоара
• Игри за ориентација во Арсенал парк
• Посета на станица за рециклажа
• Посета на зоолошката градина во Сибиу

Немаме резервна планета затоа со заеднички сили да ја спасиме планетата Земја!

ЗАБЕЛЕШКА: Финансирано од Европска Унија. Искажаните ставови и мислења се само на авторот(ите) и не мора да ги одразуваат ставовите
на Европската унија или Европската извршна агенција за образование и култура (EACEA). Ниту Европската Унија, ниту „EACEA“
не можат да сносат одговорност за нив.

По втор пат ја добиваме оваа престижна Европска награда – еТвининг училиште!

Тоа значи дека и овојпат нашето училиште е признаено на европско ниво како модел за еТвининг и е дел од мрежата на водечки училишта кои служат како инспирација за идниот развој на делувањето. еТвининг училиштата се активни и во спроведувањето и промовирањето на вредностите и педагогијата на еТвининг и претставуваат референтна точка за локалната заедница, како и модел за другите училишта.