СОУ „Ѓорче Петров“ – дел од регионален проект за заживување на наставата по француски јазик во средните училишта

📌Акцентот е ставен на зајакнување на улогата на францускиот јазик во стручното образование, како и на обуката и поддршката на вработливоста на младите на Балканот преку прилагодено познавање на францускиот јазик.
📌Регионалниот проект е поддржан од француското Министерство за Европа и надворешни работи, Амбасадата на Франција, Францускиот институт и Министерството за образование и наука на Република Северна Македонија.
📌Во рамките на проектот се опфатени 25 ученици од економско-правната струка.
На еден од часовите учениците учествуваа во интерактивна игра на улоги „продавач – купувач“, во која дел од нив со голема сериозност беа вистински продавачи, додека другите со насмевки „пазареа“ на француски, барајќи најдобра понуда. Часот беше исполнет со смеа, креативни фрази и многу практична комуникација, што им помогна да го користат јазикот самоуверено и природно.
Покрај драмската креативност, учениците се покажаа и како вистински млади уметници. Тие изработија цртежи инспирирани од француската култура, највпечатливи беа творбите со Ајфеловата кула.🗼
Овие креативни моменти придонесоа учениците уште повеќе да се поврзат со јазикот и културата што ја изучуваат.👭🧑‍🤝‍🧑

Посебна благодарност упатуваме до Француското Министерство за Европа и надворешни работи, Амбасадата на Франција, Францускиот институт и Министерството за образование и наука на Република Северна Македонија за поддршката, соработката и довербата.

Благодарение на нивната посветеност, нашите ученици добиваат можност да учат, да се развиваат и да го откриваат францускиот јазик и култура низ современи, креативни и мотивирачки активности.