Две први места за учениците од СОУ Ѓорче Петров на регионалниот натпревар по биологија

На одржаниот регионален натпревар по биологија   кој се одржа на 23.03. 2019 година  во нашето училиште учествуваа 46 ученици од прва, втора, трета и четврта година од 4 средни училишта: СОУГ „Гоце Делчев“ Куманово,  СОУГ „Сами Фрашери “ Куманово, ОСТУ „Наце Буѓони“ Куманово , СОУ „Митко Пенџуклиски“ Кратово и домаќинот СОУ „Ѓорче Петров“ Крива Паланка.

Од нашето училиште учествуваа 10 ученици од прва, втора и трета година, а дваjца ученици освоија прво место:

Ева Беќарова прво место во прва година и Теодора Тончевска прво место во втора година со што се стекнаа со право за учество на државниот натпревар кој ќе се одржи на 11.05.2019 година на ПМФ Скопје.

Честитки и за учениците и за менторите Слаѓана В. Петковска и Марјан Ѓорѓиевски со надеж  дека и  следната година  ќе  не израдуваат со вакви успеси.

Натпреварот покрај натпреварувачки дел беше проследен и со дружење меѓу учениците, наставниците и претставниците од Македонското биолошко друштво.