Teen-тим истражува
Од ноември оваа година во нашето училиште започна со работа новинарскиот клуб Teen-тим во кој членуваат околу дваесетина ученици од прва, втора и четврта година.
Денес нашите новинари имаа работилница со г-ѓа Ирена Белешковска, дописник на МИА за креирање на медиумски содржини. Работилницата се реализираше во Европска куќа – Крива Паланка. Се дискутираше за новинарството како професија и за актуелните теми, но исто така учениците имаа можност да учат од искусен новинар.
Голема благодарност до Ирена Белешковска за поддршката и споделеното искуство!
- Published in Останато
Запознавање на средношколците со војничката професија
На ден 07.12.2023г. претставници на Армијата на Република Северна Македонија и Министерството ги запознаа нашите ученици со војничката професија. Со цел
популаризација на воената професија учениците беа информирани за можностите што ги нуди војничката професија; за условите за прием на служба во Армијата како и за прием на Воената академија „Генерал Михаило Апостолски“ – Скопје.
- Published in Останато
Саем за кариерно советување и насочување
Националната агенција за европски образовни програми и мобилност оваа Година на вештини, покрај големиот број на активности кои ги реализираше, периодов организира саеми за кариерно советување и насочување.
Саем за кариерно советување и насочување на учениците во основните училишта преку мрежата Еврогајденс се реализираше на 05.12.2023г. во Europe House Kriva Palanka, каде што беше промовирано и нашето училиште.
Нашиот штанд го претставуваа професорките Ивана Станковска и Гордана Стојковска со ученичката Ева Новкова.
- Published in Останато
Државен натпревар по француски јазик
На ден 2.12.2023 год се одржа државен натпревар по француски јазик – спелување. Натпреварот се одржа во ООУ Димитар Миладинов во Скопје . На натпреварот учествуваа и успешно се претставија нашите ученици Матеј Мицевски, Филип Стојановски и Леа Симонова од II година.
- Published in Останато, Странски јазици
Поттикнување на гласот на учениците во носење на средношколските одлуки
На ден 23.11.2023 г. директорката Елена Ѓорѓиевска со проф. Катерина М. Наковска и учениците Михаела Јанковска од III-5 клас и Филип Стојановски II-2 клас учествуваа на настан во организација на LEAD за презентација на ко-менаџмент тело.
Ученичкото учество гради демократски вредности и капацитети кај учениците, поттикнува активно вклучување на учениците во училишниот живот, гради чувство на припадност, но и чувство на одговорност кон училишните процеси.
Поради тоа, важно е да креираме механизми кои гарантираат учество на учениците во процесите на носење одлуки во училиштата.
Таков механизам е ко-менаџмент телото, модел кoj e создаден во соработка со осум средни училишта од нашата земја меѓу кои е и нашето училиште.
Присутните кои учествуваа на настанот, дадоа свој придонес во развојот на ко-менаџмент телото и на правилникот со кој се регулира работата на ова тело.
На самиот настан беше промовиран креираниот модел на ко-менаџмент тело, а дополнително, преку четири работни групи, присутните имаа можност да дадат свој придонес преку коментари и предлози, со цел зајакнување на овој модел.
- Published in Останато
Регионален натпревар по Македонски јазик и литература
На ден 17.11.2023 година се одржа Регионален натпревар по Македонски јазик и литература во ОУ „Крсте Петков Мисирков“ -Куманово, на истиот земаа учество ученици од втора година под менторство на проф. Лиле Стојановска.
Учениците покажаа солидни резултати и ги освоија следниве места:
Димитар Стојановски – Прво место
Ангела Илиевска – Трето место
Браво! Ви посакуваме успех и во следните фази од натпреварувањето.
- Published in Останато
Регионален натпревар по француски јазик – спелување.
На ден 17.11.2023 год. се одржа регионален натпревар по француски јазик – спелување. Натпреварот се одржа во гимназијата Гоце Делчев во Куманово, а учениците ги менторираше проф. Мимоза Ивановска.
На натпреварот учествуваа нашите ученици Матеј Мицевски, Филип Стојановски и Леа Симонова од II година.
Сите учесници обезбедија учество на државен натпревар и ги освоија следниве места:
-Матеј Мицевски освои 2 место
-Филип Стојановски 3 место и
– Леа Симонова 4 место.
Честитки, успеси и понатаму!
- Published in Останато, Странски јазици
Посета на театарската претстава „Слуга на двајца господари“
На ден 14.11.2023 год. дел од учениците од прва, втора, трета и четврта година од нашето училиште имаа можност да посетат театарска претстава во Велес. Најпрвин беше посетена куќата на Кочо Рацин каде што се запознаа со животот и делото на значајниот македонски поет. Го разгледаа ентериерот на куќата, кој изобилуваше со значајни знаменитости што ги поседувал Кочо Рацин, заедно со своето семејство.
- Published in Македонски јазик и литература, Останато
Новинарски клуб во СОУ „Ѓорче Петров“
Младинскиот образовен форум (МОФ) и Македонскиот институт за медиуми (МИМ) објавија повик за основање новинарски клубови во основните и во средните училишта од државава. Нашето училиште е едно од десетте средни училишта кои ќе основаат ваков клуб.
Учениците ќе имаат можност да предлагаат и да обработуваат теми коишто се поврзани со образовниот процес и училишните активности, но и со културни, забавни, спортски или други теми кои се од интерес на младите.
Програмата на клубовите ќе ги опфати следните теми:
- Новинарството како професија – што значи да се биде новинар (улогата на новинарството, новинарски стандарди, уредувачка политика);
- Новинарски жанрови (вест, извештај, интервју);
- Медиумска писменост (концепт, елементи, вештини);
- Дезинформации, погрешни информации и штетни информации;
- Проверка на информациите и фото-форензика;
- Нови медиуми;
- Креирање медиумски содржини за различни медиумски платформи.
„Младите размислуваат“ е проект на УСАИД го спроведува американската организација ИРЕКС со своја локална канцеларија во Скопје, во партнерство со Македонскиот институт за медиуми (МИМ), Министерството за образование и наука (МОН) и Бирото за развој на образованието (БРО).
Заинтересираните ученици може да се пријават кај координаторот на клубот проф. Ивана Станковска или со пополнување на следниот формулар:
https://docs.google.com/forms/d/e/1FAIpQLSeCo-bXg7Z-ABuL6XmSdhNDqRJGqJH-DSsxOUNpLKsYgHXuAw/viewform
Ги очекуваме Вашите пријави најдоцна до 17.11.2023г.
- Published in Останато
Посета на Народна банка на Република Северна Македонија
Учениците од трета година од општествено-хуманистичко подрачје имаа можност денеска да ја посетат Народната банка на РСМ и нивниот нумизматичкиот музеј.
Целта на посетата беше учениците да се запознаат: каде точно се наоѓа Народната банка; кои се основните функции на Народната банка; што е ценовна стабилност, што е инфлација, а што девалвација; што се пари, зошто се користат и какви пари постојат; каде и како се прават македонските денари; дали може да направиме денари колку што сакаме; кои се обележјата на нашите пари; од кога се воведени македонските денари; зошто треба да се штеди; дали во Народната банка може да се штеди; која е разликата помеѓу Народната банка и комерцијалните банки; зошто се чуваат девизни резерви и кој управува со нив.
Учениците беа во придружба на предметниот професор Маријана Милковска.
- Published in Останато