Традиционално последната недела од октомври се одржува Саем на книга во Белград. За првпат наши ученици имаа можност да го посетат овој настан и да се запознаат со најновите наслови на домашната и странска книжевност.

На конкурсот објавен од страна на Коалиција на граѓански организации – форум на малубројни заедници во Република Македонија, зема учество нашата ученичка Сара Ристовска,
менторирана од страна на проф. Елена Јакимовска. .
Учениците пишуваа есеи на тема: ,,Мојот сограѓанин од соседната улица”. Есеите на учениците се публикувани, а на 18.10.2043г. беа поканети на свечено доделување на награди во Холидеј Ин-Скопје.

На ден 09.10.2023 г. се одржа манифестацијата Шопска софра во организација на општина Крива Паланка. На истата земаа учество учениците од угостителско-туристичката струка со традиционални и интернационални јадења. Тие се погрижија нашата трпеза да изгледа фантастично – совршен спој на вкусови!
Тоа го потврдија и присутните.
Нашето училиште беше претставено во најдобро светло.
Голема благодарност до општината што ни овозможи да ја промовираме нашата струка на еден ваков настан и до професорите кои ги менторираа учениците!

На ден 04.10 2023г. учениците од прва година заедно со одговорните професори Гордан Стојановски и Ленче Велиновска ги посетија Планетариумот при МКЦ и Природно-научниот музеј на град Скопје. Преку овие посети беа реализирани воспитно- образовните цели и задачи кои беа планирани со програмата за изведување на оваа еднодневна екскурзија.

Во рамки на кампањата „Кажи НЕ на дрогата, ДА на животот“ на ден 29.09.2023г. министерот за внатрешни работи Оливер Спасовски и градоначалникот Сашко Митовски го посетија нашето училиште како дел од превентивните активности на МВР за спречување на зависностите од дроги и психотропни супстанци кај младите. Притоа, на учениците им беа поделени едукативно-информативни летоци за квалитетна едукација и заштита од опасностите и пороците на зависностите од дроги.

Во период од 24-27.09.2023г. во Струга нашето училиште беше дел од тренингот во рамки на проектот EmpoweredEd предводен од LEAD- Leaders for Education, Activism and Development.

16 ученици и 8 наставници од 8 различни училишта го започнаа процесот на развивање на сопствен ко-менаџмент модел за заедничко одлучување. Наши претставници беа проф. Катерина М. Наковска и учениците Михаела Јанковска од III-5 клас и Филип Стојановски II-2 клас.

На тренингот учениците и наставниците од 8 средни училишта креираа сопствен прирачник на заедничко одлучување во училиштето.

Come In – еТвининг проект во кој се вклучени 11 наставници од 7 држави и 88 ученици.

Од нашето училиште учествуваа учениците од прва година од електротехничката струка: Алек Стојановски, Јован Јакимовски, Мишо Младеновски, Стефан Величковски, Давид Станојковски и Марио Пешовски под менторство на проф. Ивана Станковска. Овој проект ги спои наставниците и учениците од нашата држава, Турција, Хрватска, Турција, Италија, Франција и Јордан. Споделувавме обичаи и традиции, учевме нови јазици и ги надминавме културните разлики преку другарување.

Учествувавме во изработка на презентации и соработувавме со нашите партнери.
Подолу се прикажани дел од изработките на учениците.

1. Колаборативна мапа

https://www.pictramap.com/app/view?p=8317c1&fbclid=IwAR1N1gFSs6dnwCVFrPGqIOGph_4YXig5y11-FKpUvfG-3AlP0f5nYnVN8_k

2. Ден на безбеден интернет http://linoit.com/users/Ivana_st/canvases/Safer%20Internet%20Day%202023

3. Come In – филм

4. Акростих поема – https://docs.google.com/document/d/12gUswgKbaVK7mNmtikJ5gZ4YZjuZ-hm4M8UWgJ1WJw4/edit

5. Come In – речник со често користени зборови и фрази на 7 јазици
https://www.calameo.com/read/007404836a974eab58f74?fbclid=IwAR3aH2ypJLqNwu4gUDx4reNV3MkOeytrmscjRYe6URVF5e5aHB5pFnXVykc

6. Come In – Ајде да пееме и играме заедно!

Прелиминарните ранг листи за уписот во првиот циклус се достапни на следниот линк:

https://docs.google.com/spreadsheets/d/1zrSSOkmDywimkQaTGnrXBMY-mC_C4Pj_/edit?usp=sharing&ouid=108452938731800764976&rtpof=true&sd=true

• Сите кои се примени треба да ги достават потребните документи во училиште на 22.06 или 23.06.2023г..

• Конечните ќе бидат објавени на 23.06 по 19ч. односно по извршена проверка од страна на комисијата.

Во склоп на иницијативата Европска година на вештини, учениците кои учествуваа на Еразмус+ проектот Нула отпад од клучна акција КА 210 поддржан од НАЕОПМ и финансиран Европската Унија одржаа работилница заедно со нивните врсници, еко-ентузијасти за зајакнување на зелените вештини.
Работилницата се одржа во Европската куќа во Крива Паланка на ден 06.06.2023 година, со почеток од 12 часот.
Нивно мото беше: Повеќе зеленило – помалку отпад!

Освен пренос на новите вештини стекнати преку Еразмус+ проектот, овие зелени херои, демонстрираа и конкретни чекори за нивна имплементација и реалните придобивки кои ги имаат животната средина и човековото здравје од истите .

Големо браво за Еразмус тим кој остава позитивни примери кои треба да ги следат сите генерации!


ЗАБЕЛЕШКА: Финансирано од Европска Унија. Искажаните ставови и мислења се само на авторот(ите) и не мора да ги одразуваат ставовите на Европската унија или Европската извршна агенција за образование и култура (EACEA). Ниту Европската Унија, ниту „EACEA“
не можат да сносат одговорност за нив.

На ден 05.06.2023 година полициските службеници од Регионален центар за гранични работи – Исток реализираа едукативна превентивна средба со учениците од СОУ ,,Ѓорче Петров “ Крива Паланка , на тема ,,Превенција од трговија со луѓе“.

Учениците, покрај подготвената презентација околу појавата и формите на трговија со луѓе, имаа можност да го проследат и филмот ,,Набљудувачи“ во НУ Центар за култура-Крива Паланка, кој е со едукативен карактер. Потоа преку анализа на филмот во разговор со полициските службеници учениците можеа да ги воочат различните ситуации во кои може да се соочи една млада личност, а коишто можат да доведат до непријатни искуства. Преку дебата тие беа запознаени со начините за детектирање и превенирање на ваквиот криминалитет.