Учество во виртуелна работилница „Имам став“

На ден 2 ноември нашето училиште се претстави и учествуваше со 40 ученици  во виртуелна  работилница од новата сезона на едукативната  активност „Имам став “, наменета за ученици од средно образование, а во организација на Парламентарниот институт  на Собранието на Република Северна Македонија. Едукативната активност „Имам став“ претставува симулација на процесот на разгледување предлог – закон во рамките на Собранието.

Седум училишта учествува во новата сезона, која има компетитивен карактер. Нашите ученици под менторство на професорките Катерина М.Наковска, Елена Јакимовска и Лиле Стојановска,  беа соодветно подготвени и покажаа извонредни дебатерски способности третирајќи  три актуелни теми  и истите ги бранеа со аргументи со цел изнаоѓање на решение, кое ќе биде прифатено од мнозинство на учесници.