Учениците од СОУ „Ѓорче Петров“- Крива Паланка не запираат со награди

И оваа година како и изминатите неколку години, на државниот натпревар по биологија  учениците од нашето училиште постигнаа врвни резултати.

Натпреварот се одржа на 25.09.2020 при што посебно треба да се истакне успехот на ученичката Дона Митовска од 4-2 паралелка, која ја освои првата награда. Ученичката Дона Митовска беше со најмногу поени и прво место и на регионалниот натпревар.

На државниот натпревар голем успех постигна и ученичката Викторија Георгиевска од  2-1паралелка која освои втора награда.

Не треба да се изостави и успехот на ученичката Глорија Стојковска  од 4-2 паралелка која  на Државниот натпревар се стекна со пофалница  како и ученикот Антонио Стојчевски од 2-3 паралелка.

Им благодариме на сите за нивната посветеност и љубовта кон биологијата како наука.

Учениците работеа под менторство на наставниците Слаѓана Вучевска Петковска и Марјан Ѓорѓиевски.