Посета на театарска претстава во МНТ – Скопје

Учениците од прва и трета година ја проследија театарската претстава „Кец на десетка” во МНТ – Скопје.
Во комедијата „Кец на десетка” играат: Александар Микиќ (Таткото Доксе), Тања Кочовска (Мајката Грациела), Нина Деан (Ќерката Ана) и Ивица Димитријевиќ (Тоше).

Претставата „Кец на десетка” според текстот на Митко Бојаџиски, a  во режија на Драган Спасов―Дац и Јордан Симонов е комедија со спонтан и природен хумор што брзо ја освојува и лесно комуницира со публиката. Текстот на претставата има едноставна мисија – да ја воведе публиката во ситуацијата на едно сосема нормално семејство кое ќе се собере за да се запознае со идниот зет. Во желбата секој од семејството да остави максимален впечаток и да го покаже најдоброто од себе работите тргнуваат во поинаков правец.