Еразмус деновите започнаа во СОУ „Ѓорче Петров“ со изложба на постери во училиштниот хол

Нашите еТвинери и дел од учесниците во Еразмус+ проектите го збогатија училишниот хол со нивните постери и на тој начин ги презентираа можностите што ги нуди Еразмус програмата.

В.Д. Директорката Елена Ѓорѓиевска им ги врачи еТвининг ученичките ознаки за квалитет на нашите еТвинери и им посака успех во идните проекти .

Продолжуваме и понатаму со успешните Еразмус+ & еТвининг приказни 🙂

Следете не!

Почитувани ученици,
Ни претставува посебно задоволство да Ве известиме дека започнуваме со имплементација на активности во рамките на програмата ЕРАЗМУС +, клучна акција КА210 – партнерства од мал обем во полето на училишно образование. Координатор на проектот е СОУ „Ѓорче Петров“, наши партнер училишта се YUNUS EMRE ANADOLU İMAM HATİP LİSESİ, Маниса (Турција) и COLEGIUL ECONOMIC EMANUIL GOJDU HUNEDOARA, Хунедоара (Романија). За таа цел од нашето училиште се потребни 20 ученици за учество во проектот кои ќе одат на мобилност во Турција (2022 година) или Романија (2023 година) т.е по 10 за секоја мобилност. Учениците кои ќе бидат вклучени во проектот ќе развијат различни вештини вклучувајќи: професионални вештини, социјални и мултикултурни,еко вештини, интеграција во различни средини, одговорности, јазични подобрувања и други вештини и придобивки. 

Начин на пријавување:
За да се пријавите за учество во проектот, потребно е да доставите скенирани:
1.CV
2.мотивациско писмо
3.потпишана и скенирана препорака од класен раководител/предметен професор
4.пополнета електронска пријава (https://forms.gle/mzi5MhRg7tbut4uy8)
5.скенирани сертификати и дипломи стекнати за време на школувањето во нашето училиште

*Се пријавувате само за 1 (една) мобилност!
Рокот за доставување на потребните документи е од 04.10.2022 година до 12.10.2022  година на е-маилот: proekti.gp@gmail.com

Критериум за избор:
· Ученикот треба да биде мотивиран за работа и дружење
· Ученикот треба да може да патува во странство
· Ученикот да има позитивна препорака од класен раководител/предметен професор
· Да има познавање на англиски јазик (можно е тестирање)
· Да е редовен ученик од II, III или IV година

-Предност имаат ученици кои поседуваат ученички еТвининг ознаки за квалитет (Pupil Quality Label)

По првата направена селекција согласно критериумите доколку има поголем број заинтересирани кандидати ќе биде спроведено и интервју.

Забелешка: само кандидатите кои ќе достават комплетна документација ќе бидат повикани на интервју