На 28.11.2019 година во просториите на СОУ Ѓорче Петров се одржа обука за Развој на емоционалната интелигенција (од потенцијал до талент). Обуката беше спроведена од Претседателот на Македонската асоцијација за надарени и талентирани, проф.д-р Љупчо Кеверески. Обуката ја проследија сите наставници и стручните соработници во училиштето.

Од месец ноември започнавме со реализирање на отворени часови по сите наставни предмети. На часовите можат да присуствуваат сите заинтересирани наставници, педагошката служба, се со цел да се разменуваат добри практики и искуства. Ќе настојуваме ваквите отворени часови во иднина да станат пракса.

Засадени 60 зимзелени дрвца по повод 60 години од постоењето на СОУ Ѓорче Петров – Крива Паланка.
Акцијата ја започна Градоначалникот Борјанчо Мицевски придружуван од претставници од Општината. Во акцијата учествуваа раководниот кадар на училиштето предводен од Директорката Габриела Стаменковска, поранешни директори на училиштето, претставници од Училишен одбор, Совет на родители, Училишна заедница, претседатели на активи и други вработени во училиштето.
Благодарност до сите кои беа дел од акцијата – Еко активизам!