EmpoweredEd – Чекор поблиску до создавање на ко-менаџмент тело!
Во период од 24-27.09.2023г. во Струга нашето училиште беше дел од тренингот во рамки на проектот EmpoweredEd предводен од LEAD- Leaders for Education, Activism and Development.
16 ученици и 8 наставници од 8 различни училишта го започнаа процесот на развивање на сопствен ко-менаџмент модел за заедничко одлучување. Наши претставници беа проф. Катерина М. Наковска и учениците Михаела Јанковска од III-5 клас и Филип Стојановски II-2 клас.
На тренингот учениците и наставниците од 8 средни училишта креираа сопствен прирачник на заедничко одлучување во училиштето.
- Published in Останато
Дисеминација на мултилатерален семинар ,,Inclusion and Diversity in eTwinning”
,,Inclusion and Diversity in eTwinning” е мултилатерален семинар кој се одржа во Леириа- Португалија на кој учествуваа 73 учесници од 11 европски држави, меѓу кои и нашата професорка Катерина Митовска- Наковска. Проектот беше реализиран под покровителство на Националната агенција за европски образовни програми и мобилност. Професорката Катерина Митовска- Наковска одржа дисеминација на 14.09.2023г. во просториите на училиштето споделувајќи го своето искуство стекнато на семинарот со цел да се надминат бариерите и да овозможи инклузија на сите и секоја индивидуа,како и диверзитетот како предизвик.
- Published in Е-твининг
Доделување на ознаки за квалитет за еТвининг училишта
еТвининг платформата поттикнува размена на идеи, култури и перспективи, оплеменувајќи го образовнието на сите вклучени. На 07.09.2023г. во Europe House Skopje, име беа доделени ознаки за квалитет на 24 еТвининг училишта, лидери во меѓународната соработка и иновации во образованието. Нашето училиште по вторпат ја доби оваа престижна награда благодарение на нашите еТвинери.
еТвининг е одличен пример за тоа како технологијата може да ги премости географските граници, да ги поврзе училниците од различни делови на светот и да ги поттикне едукаторите да внесат иновации во нивните наставни методи.
Се гордееме со овој успех и продолжуваме со работа!
- Published in Е-твининг
Признанија за шампионите од Европските училишни игри во кошарка
Нашите претставнички од женскиот кошаркарски тим
кои беа најдобри на државните натпревари и го освоија одличното трето место, во придружба на директорката Елена Ѓорѓиевска и проф. Ведран Белешковски беа на свечено доделување на признанија во Агенцијата за млади и спорт. Истите им беа врачени од страна на Наумче Мојсовски, директор на АМС. Иако нивните очекувања беа повисоки, повредата на најдобрата кошаркарка во тимот, како и отсуството на неколку репрезентативки беа причините за освоената бронза.
Но, како што кажа Мојсовски: Да се носи националниот дрес е чест, без разлика дали се настапува во име на училиште, клуб или репрезентација, а вие тоа го направивте гордо.
СОУ „Ѓорче Петров“ се гордее со Вашите успеси.
Чекорете смело кон нови победи, а ние секогаш ќе навиваме за Вас!
- Published in Спорт
Натпревар за НАЈДОБАР ЕСЕЈ ЗА 2023 ГОДИНА за учениците од средното образование
Во рамки на Државниот натпревар по македонски јазик и литература се одржа и Натпревар за најдобар есеј. Учениците имаа можност да ги испратат своите есеи до 14.06.2023г. до Сојузот на ДМЈЛ.
Учениците пишуваа на следнава тема:
Интимното и универзалното во поезијата на Ацо Шопов
Резултати:
1. Билјана Дуева, СОУ „Богданци“, Богданци, II (втора) година, ментор: Верица Ризовска
2. Андреј Ѓорѓиевски, СОУ „Миле Јаневски-Џингар“, Македонска Каменица, III (трета) година, ментор: Славица Анаќиевска
3. Ангела Илиевска, СОУ ,,Ѓорче Петров“- Крива Паланка, I година, ментор: Лиле Стојановска
Честитки за Ангела Илиевска и проф. Лиле Стојановска,
Нека Ви се множат уште многу успеси и признанија!
- Published in Македонски јазик и литература
Come In – еТвининг проект во завршна фаза
Come In – еТвининг проект во кој се вклучени 11 наставници од 7 држави и 88 ученици.
Од нашето училиште учествуваа учениците од прва година од електротехничката струка: Алек Стојановски, Јован Јакимовски, Мишо Младеновски, Стефан Величковски, Давид Станојковски и Марио Пешовски под менторство на проф. Ивана Станковска. Овој проект ги спои наставниците и учениците од нашата држава, Турција, Хрватска, Турција, Италија, Франција и Јордан. Споделувавме обичаи и традиции, учевме нови јазици и ги надминавме културните разлики преку другарување.
Учествувавме во изработка на презентации и соработувавме со нашите партнери.
Подолу се прикажани дел од изработките на учениците.
- Колаборативна мапа
2. Ден на безбеден интернет http://linoit.com/users/Ivana_st/canvases/Safer%20Internet%20Day%202023
3. Come In – филм
4. Акростих поема – https://docs.google.com/document/d/12gUswgKbaVK7mNmtikJ5gZ4YZjuZ-hm4M8UWgJ1WJw4/edit
5. Come In – речник со често користени зборови и фрази на 7 јазици
https://www.calameo.com/read/007404836a974eab58f74?fbclid=IwAR3aH2ypJLqNwu4gUDx4reNV3MkOeytrmscjRYe6URVF5e5aHB5pFnXVykc
6. Come In – Ајде да пееме и играме заедно!
„Inclusion and Diversity in eTwinning”
еTwinning платформата им помага на просветните работници во градинките, основните и средните училишта да се поврзат со колеги од други европски земји и заеднички да работат на национални и европски проекти.
„Inclusion and Diversity in eTwinning” е мултилатерален семинар кој се одржа во Леириа-Португалија во период од 22.06 до 24.06.2023г. на кој учествуваа 73 учесници од 11 европски држави меѓу кои и претставници од училиштата: ООУ,,Киро Глигоров”- Скопје, ОУ,,Христо Узунов”-Другово, СОУ,,Ѓорче Петров”-Крива Паланка и претставник од Националната агенција за европски образовни програми и мобилност.
Нашето училиште го претставуваше проф. Катерина М. Наковска.
Целта на овој семинар беше фокусирање на различностите и еднаквоста,кои треба да бидат инклудирани во воспитно- образовниот процес.
Стекнатите нови практики и методи, ќе овозможат континуиран еднаков пристап кон сите ученици и почитување на различностите ,намалувајќи ги бариерите.
- Published in Е-твининг
Упис во средно 2023/24 – Прв циклус
Прелиминарните ранг листи за уписот во првиот циклус се достапни на следниот линк:
- Сите кои се примени треба да ги достават потребните документи во училиште на 22.06 или 23.06.2023г..
- Конечните ќе бидат објавени на 23.06 по 19ч. односно по извршена проверка од страна на комисијата.
- Published in Останато
Европското кошаркарско средношколско првенство 2023
Фото-галерија од Европското средношколско првенство од 11 до 17 јуни 2023 – Скопје на кое нашиот женски кошаркарски тим освои Бронзен медал.
- Published in Спорт
Државен натпревар за рецитатори
На ден 17.6.2023 годинa во просториите на Филолошкиот факултет „Блаже Конески“ – Скопје, се одржа натпревар за рецитатори во рамки на Државниот натпревар по македонски јазик и литература.
На истиот учествуваа две ученички од нашето училиште:
1. Ангела Илиевска под менторство на проф. по македонски јазик и литература Лиле Стојановска и
2. Матеја Цветковска под менторство на проф. Елена Јакимовска.
На натпреварот беа пријавени вкупно 40 ученици, од кои 15 ученици беа од средно образование и 25 ученици од основно образование. Сите ученици беа солидно подготвени и покажаа одлични рецитаторски способности за натпревар од ваков ранг. Нашите ученички и нивните ментори добија благодарници за учество на натпреварот и охрабрување да не застануваат тука, туку да продолжат со изучувањето, негувањето и грижата за македонскиот јазик и убавиот збор.
- Published in Македонски јазик и литература